zondag, juni 05, 2016

Harzer Roller / Haandkeze mit Meziek en eerappels kookt in gruinte-boeljon



Harzer Roller / Haandkeze mit Meziek en eerappels kookt in gruinte-boeljon

Ingrediënten veur twij personen:

2 rooie siepels, 3 laurierbloadjes, 1 theelepel komijnzoad, 30ml wotter, 75 ml rooie wien-edik, 1 theelepel zolt, 1 eetlepel suker, paprikapoeier edelzuit., 2-3 eetlepels zunnebloumeulie, swaarde peper, 3 vastkokenden eerappels, haalf liter gruinteboeljon en 1 Harzer Roller (kezesoort uut Duutslaand, wordt geern eten rondom Frankfurt).

Waarkwieze:

Siepels òfpulen en in fiene ringen snieden, laurierbloadjes mit n schere inkepen, komijnzoad in n panne zunder vet licht reustern, òfkoulen loaten en in n vaaizel grof vermoalen.



30 ml liter wotter mit edik, zolt suker, n snufke paprikapoeier, komijn en eulie der deur hin ruiern. Siepels en laurierbloadjes der bie tou doun en de vinaigrette mit peper op smoak brengen en din n ketaaier rusten loaten.



Eerappels schillen, in 1 cm dikke schieven snieden en din in d’gruinteboeljon 10-12 menuten beetgoar koken.




Intied de haandkees bie de siepelmarinoade doun en 5 menuten marinaaieren. 


Keze uut de marinoade nemen, uutdruppen loaten in n gatjepanne en din in n ovenschuddel doun. Je hebben d’oven al veurverwaarmd noar 180 groaden en loaten de keze om en bie 5 menuten opwaarmen. 


As t uut d’oven komt doun je d’ ofgoten boeljon eerappelderij en de siepeltjederij derbie en huzzeln t spultje licht deur nkaander.


 

Kloar is Hinderk en vot aan toavel.

1 opmerking:

RIETVELD TEKSTARCHITECTUUR zei

SMULLEN niet met één maar met zeven kapitalen!