woensdag, december 05, 2018

Grunnegers bie zaikte en nood in 1840 , Remedie: Help joe zulf, zoo helpt joe God!




Fragment: Zoamensproak tusschen Hendrik Mol en Jan Knol (1840)

Knol:
Nou, ik wed den doch dat ‘k ’t roade
Om en kopke sukkeloade,
Of om koffie mit wat kouk.
Is ’t den en receptenbouk?

Mol:
Nou!.......nou zuik ie mie te foppen
Of en knol ienne hand te stoppen
Want ik heb bie ’t algemein
Nooit zo’n wonderbouk nijt zijn

Knol:
Nijt! ------- nou ‘k zel joe ’n veurbeeld geven
Hou zoo’n boukje dijnt geschreven
-          Hei je zeerte ienne kop
-          Dou er den veld-polei op.
-          Lied ie aan gevatte kolle, ---
-          Wijt je wel woar ik ’t veur holle!----
-          Zij, de vledderbloume wast doar
-          Bruuk ie dij , den ben je kloar.
-          Hei je kolle ien de d’iengewannnen
-          Zij, jie mout joe nijt verbrannen ---
-          Moar wat franse Brannewien
-          Is en heerlik medesien
-          Ken je ’s nachts niks doun as woaken
-          Loudium zel ‘beter moaken
-          Hei je wat te staarke loop,
-          Doar is waitenstoet te koop
-          Dij an t woater labberijren
-          Ieperen-schil zel heur kerijren
-          Wordt de koors joe tot en last
-          Eet gemoalen kinabast
-          Wil joe ’t hoar tou kop uutvallen
-          Knolle-nat is t best van allen
-          Scheelt ’t joe an onzuver bloud
-          Den is cremertartrie goud.
-          Is de moag joe op de riddel
-          Den is ’t vasten ’t beste middel
-          En veur treurighaid is wien
-          ’t Allerbeste medesien
-          Of zoo ie as flauw mogt wezen
-          Hofman zel joe weer genezen

En den heurt er bie op ’t lest:
“Bruuk ’t moar: probatum est!”
Zou mout en receptenbouk wezen.
’t Is heil nuttig om te lezen;
Want zoo joe en beetje scheelt,
En ‘op lest joe verveelt,
Huif ie vort gain docter hoalen,
En, -----wat meer zegt----- nijt betoalen
Krieg den joen remedie-pot;
Help joe zulf, zoo helpt joe God!

Fragment uit:
Wijt je woarom Ekma schelt?
’t Is uut wroakzucht en om geld.
EN RIEMKE veur HET ALGEMEIN
In de grön’ger tongval
Deur JAN PAK-AN
Uitgegeven te Groningen, bie J. Haftenkamp, 1840