Eetse in de Beetse
Mit t koeren van de doeven
Bin k op zuik goan noar die
Hoog boven verglee t bos in de lucht
Op t smale bospad
Wees mie n perebloum
Vol parasjuten de weg
Noar blaauwe Beetster plazze
In de mat rimpelnde spaigelbeelden
Heb k die hou onpaailboar ook
Mit d’ogen dicht toch nog vonden
3-4-2015
Mörn, nee
Dit is gain ofschaaid
Want wie kwammen mekoar nog noeit in de muit
Ook dou over de stroaten
Schare over schare lag
As ainzaalme man op de vlucht
Mörn, nee
Mörn is nait dij aanderkaande van de nacht
Wel verwachtens wekt
Is n dikke boef
Loat t verhoal, dij in de nacht begon
Ook mor in de nacht stoppen
Mörn, nee
Dit is gain ofschaaid
Want wie kwammen mekoar nog noeit in de muit
Ook dou over de stroaten
Schare over schare lag
As ainzaalme man op de vlucht
Mörn, nee
Mörn is nait dij aanderkaande van de nacht
Wel verwachtens wekt
Is n dikke boef
Loat t verhoal, dij in de nacht begon
Ook mor in de nacht stoppen
2-4-2015
Geen opmerkingen:
Een reactie posten